აქ განთავსებულია ინფორმაცია ბოლო სამი თვის სიახლეების შესახებ.

ადრინდელი ინფორმაცია შეგიძლიათ იხილოთ პუნქტში "ღონისძიებები"

.

20 ივლისი 2010 - პროგრამის "ახალგაზრდობა მოქმედებაში" საფრანგეთის ნაციონალური სააგენტოს მიერ მხარდაჭერილი იქნა ორგანიზაციის "Inter Echanges"  პროექტი *მოდი აღმოვაჩინოთ ევროპა ერთად 2*, რომლის ფარგლებშიც "სტუდენტურ-ახალგაზრდული სათათბირო" ფრანგ მოხალისეს უმასპინძლებს. პროექტით გათვალისწინებული აქტივობები მიმართულია *ევროკლუბის* გაძლიერებისათვის.

.

6-8 ივლისი 2010 - ქალაქ უკრაინკაში (უკრაინა) პროექტის "ქალაქის მდგრადი განვითარება"  ფარგლებში ჩატარდა საერთაშორისო სემინარი.  მასში მონაწილეობას იღებდნენ პროექტის მონაწილე ქალაქებისა და პარტნიორი ორგანზიაციების წარმომადგენლები. სემინარის თემა იყო პროექტის სამომავლო გეგმების და ორგანზიაციული საკითხების განხილვა.  სემინარის მონაწილეებს ასევე შესაძლებლობა ჰქონდათ დასწრებოდნენ "უკრაინის პატარა ქალაქების ასოციაციის" ყოველწლიურ ფორუმს.

.

2 ივლისი 2010 - *ევროკლუბების* ინიციატივით ჩატარდა ღონისძიება *მსოფლიო არდადეგები*, რომლის მეშვეობითაც მოსწავლეებს არდადეგების დაწყება მიულოცეს. ღონისძიების პარტნიორები იყვნენ: ოზურგეთის სამხატვრო სკოლა და "სტუდენტურ-ახალგაზრდული სათათბირო". *მსოფლიო არდადეგების* ფარგლებში ჩატარდა: ასფალტზე ხატვა, სახეზე ხატვა, მკლავჭიდი, ბურთის კენწვლა, სახალისო ვიქტორინა, თოკების გადაზიდვა, შეჯიბრი მაგიდის ჩოგბურთში და *წუწაობა*.  ღონისძიების სპონსორები იყვნენ: შ.პ.ს. "ვასაძის პური", სადაზღვევო კომპანია "ირაო", ბენზინგასამართი სადგური "ლუკოილი", გურიის სამხარეო პროკურატურა, ინდივიდუალური მეწარმე ვასილ ბეშიტაიშვილი და "პროკრედიტ ბანკის" ოზურგეთის ფილიალი. VIDEO
.

25 ივნისი 2010 - პროგრამის "ახალგაზრდობა მოქმედებაში" პორტუგალიის ნაციონალური სააგენტოს მიერ მხარდაჭერილი იქნა ორგანიზაციის "Associação Mais Cidadania"  პროექტი *გაუზიარე საკუთარ თავს*, რომლის ფარგლებშიც "სტუდენტურ-ახალგაზრდული სათათბირო" პორტუგალიელ მოხალისეებს უმასპინძლებს.

.

14 ივნისი 2010 წელი - ევროსაბჭოს "ევროპის ახალგაზრდული ფონდის" მიერ დაფინანსებული იქნა პროექტი *ონლაინ ტრეინინგ პროგრამა ადამიანთა უფლებების სფეროში ევროპული ორგანიზაციების ახალგაზრდა წევრებისათვის*. პროექტის ძირითადი განმახორციელებელია "Respect Refugiados"  (ესპანეთი), ხოლო "სათათბირო" წარმოადგენს პროექტის პარტნიორ ორგანიზაციას საქართველოდან.

.

6-12  ივნისი 2010 - ორგანიზაციის გამგეობის თავმჯდომარემ მონაწილეობა მიიღო ევროსაბჭოს "ევროპის ახალგაზრდული ფონდის" მიერ დაფინანსებული პროექტის *იმოქმედე ახლა ძალადობის შესაჩერებლად* ფარგლებში გამართულ საერთაშორისო ვიდეო უორქშოფში. პროექტის განმახორციელებელი ორგანიზაციაა "CE.S.I.E Onlus - Centro Studi ed Iniziative Europeo" (იტალია). პროქტის ფარგლებში შემუშავდა სტრატეგია ძალადობის სხვადასხვა ფორმებთან საბრძოლველად, შემოთავაზებული იქნა შემოქმედებითი მეთოდი მოკლემეტრაჟიანი ვიდეო ფილმის შექმის გზით და მისი გამოყენებისა ძალადობის წინააღმდეგ. VIDEO_1     VIDEO_2

.

11 მაისი 2010 წელი - ქ. ოზურგეთში გაიმართა პროექტის *ქალაქის მდგრადი განვითარება* პრეზენტაცია. რომელსაც ესწრებოდნენ: პროექტის კოორდინატორი ვალენტინა პოლტავეცი, ქალაქ უკრაინკის მერი - პაველ კოზირევი, ოზურგეთის მუნიციპალიტეტის თვითმმართველობის, სამოქალაქო საზოგადოების და პრესის წარმომადგენლები.  პროექტი ხორციელდება ქალაქ უკრაინკის (უკრაინა) ქალაქის საბჭოს აღმასრულებელი კომიტეტის მიერ ევროკომისიის პროგრამის "თანამშრომლობა და დიალოგი ადგილობრივი განვითარების სფეროში" (CIUDAD)  ფარგლებში. პროექტის პარტნიორებია: "უკრაინის პატარა ქალაქების ასოციაცია" (უკრაინა); "შემოქმედებითი ცენტრი ტცკ" (უკრაინა); "ადგილობრივი დემოკრატიის განვითარების ფონდის" ლიუბლინის ცენტრი (პოლონეთი); ქალაქ ნოვოლუკომის ქალაქის საბჭოს აღმასრულებელი კომიტეტი (ბელორუსია); "სტუდენტურ-ახალგაზრდული სათათბირო" (საქართველო). პროექტი სამწლიანია და მის ფარგლებში ქალაქ ოზურგეთს მიეცემა საშულება აიმაღლოს თავისი ეკონომიკური დონე, გააქტიუროს სამოქალაქო საზოგადოება, შეიმუშავოს და დანერგოს ქალაქის განვითარების სტრატეგია.